မြန်မာ့စားသုံးသူရေးရာအစီရင်ခံစာအကြောင်း ဆွေးနွေးခြင်း

မြန်မာ့စားသုံးသူရေးရာအစီရင်ခံစာထဲမှာ ဘယ်လိုထူးခြားချက်တွေ ပါဝင်မလဲဆိုသည့် အကြောင်းကို ၈.၁၀.၂၀၂၀ နေ့ Channel K Morning Talk အစီအစဥ်တွင် မငြိမ်းပြည့်စုံက မေးမြန်းခြင်းအား မြန်မာစားသုံးသူများသမဂ္ဂ အတွင်းရေးမှူး ဦးမောင်မောင်က ဆွေးနွေးတင်ပြခဲ့ပါသည်။  ထို့အပြင် အမျိုးသားစားသုံးသူကာကွယ်ရေး အစီအစဥ်နှင့် ပတ်သက်၍လည်း ဦးမောင်မောင်က ပြောကြားခဲ့ပါသည်။ (ဗီဒီယိုကြာချိန် -၁၅မိနစ်) #MCR2020 https://www.facebook.com/channelkmyanmar/videos/2403462199950412/


အစိုးရနှင့် ပြည်သူများအကြား ယုံကြည်မှု တည်ဆောက်ရေး စကားဝိုင်း

အဂတိလိုက်စားမှုတိုက်ဖျက်ရေးကော်မရှင်မှ ဦးဆောင်၍ UN 75 Initiative အတွက် ၂၀၂၀ခုနှစ်၊ သြဂုတ်လ၊ ၂၆ရက်နေ့တွင် နေပြည်တော်၌ ကျင်းပပြုလုပ်သော “အစိုးရနှင့် ပြည်သူများအကြား ယုံကြည်မှု တည်ဆောက်ရေး” စကားဝိုင်းဆွေးနွေးပွဲ တွင် မြန်မာစားသုံးသူများသမဂ္ဂမှ အတွင်းရေးမှူး ဦးမောင်မောင်က ပါဝင်ဆွေးနွေးတင်ပြခဲ့ပါသည်။ ဆွေးနွေးပွဲတွင် ကော်မရှင်ဥက္ကဋ္ဌ ဦးအောင်ကြည်က အဖွင့်အမှာစကားပြောကြားကာ ပါမောက္ခ ဒေါက်တာအောင်ထွန်းသက်က Keynote Speaker အဖြစ် ပြောကြားခဲ့ပါသည်။ ထို့နောက် ကော်မရှင်အဖွဲ့ဝင် ဦးဇော်ဝင်းက Moderator အဖြစ်ဆောင်ရွက်ပြီး ပြည်ထောင်စု ဝန်ကြီးဌာန (၁၆)ခု၊ ပြည်ထောင်စုအဆင့်အဖွဲ့အစည်း (၂)ခု၊ စီးပွားရေးအဖွဲ့အစည်း (၁)ခု၊ အရပ်ဘက်လူမှုအဖွဲ့အစည်း (၃)ခုနှင့် လူငယ်အဖွဲ့အစည်း (၁)ခု တို့မှ ကိုယ်စားလှယ်များက ပါဝင်ဆွေးနွေးခဲ့ကြပြီး ဘဏ်အဖွဲ့အစည်းများ၊ စီးပွားရေးလုပ်ငန်းရှင်များ၊ အစိုးရဝန်ထမ်းများ၊ တက္ကသိုလ်များမှ စိတ်ပါဝင်စားသူများက လေ့လာသူအဖြစ် […]


မြန်မာစားသုံးသူရေးရာအစီရင်ခံစာတမ်းအတွက် GIZ နှင့် MCU ကနဦးအစည်းအဝေး

မြန်မာစားသုံးသူရေးရာအစီရင်ခံစာတမ်းအတွက် GIZ နှင့် မြန်မာစားသုံးသူများသမဂ္ဂ ကနဦးအစည်းအဝေးကို အွန်လိုင်းမှတဆင့် ၂၀၂၀ ခုနှစ်၊ ဇူလိုင်လ၊ ၂၄ရက်နေ့တွင် ကျင်းပခဲ့ပါသည်။ ထိုအစည်းအဝေးတွင် GIZ Myanmar ရုံး   မှ ဒေါ်ပြည့်ပြည့်ပွင့်က  ဦးဆောင်ကာ GIZ  မှ Ms. Sita Zimpel, Principal Advisor, Consumer Protection in ASEAN (PROTECT), GIZ, Dr. Astrid Faust, Senior Adviser, GIZ Myanmar နှင့်   မြန်မာစားသုံးသူများသမဂ္ဂမှ အကြံပေးပုဂ္ဂိုလ် ဒေါက်တာဒေါ်မြင့်မြင့်၊ ဥက္ကဌ ပါမောက္ခ ဒေါက်တာမာမာကြည်၊ အတွင်းရေးမှူး ဦးမောင်မောင်၊ တွဲဘက်အတွင်းရေးမှူး-၁ ဒေါက်တာမိုမိုတင် တို့ ပါဝင်ဆွေနွေးခဲ့ကြပါသည်။