“အစားအသောက်လုံခြုံစိတ်ချဖို့ သိမြင်နိုးကြားကြပါစို့” တွေ့ဆုံဆွေးနွေးပွဲတွင် ပါဝင်ဆွေးနွေး

မြန်မာစားသုံးသူများသမဂ္ဂမှ အတွင်းရေးမှူး ဦးမောင်မောင်သည် ၂၀၁၉ခုနှစ်၊ မေလ (၅)ရက်နေ့တွင် စစ်တွေမြို့ ဦးဥတ္တမပန်းခြံ၊ ဦးဥတ္တမခန်းမ၌ စားသုံးသူရေးရာဦးစီးဌာန (DOCA)နှင့် ရခိုင်လူငယ်မျိုးဆက်သစ်အဖွဲ့တို့ ပူးပေါင်းကျင်းပ ပြုလုပ်သော “အစားအသောက်လုံခြုံစိတ်ချဖို့ သိမြင်နိုးကြားကြပါစို့” တွေ့ဆုံဆွေးနွေးပွဲတွင်   စားသုံးသူပညာရေး အသိပညာများကို ပါဝင်ဆွေးနွေးပြောကြားခဲ့ပါသည်။          


သြစတြေးလျနိုင်ငံ ယှဉ်ပြိုင်မှုနှင့် စားသုံးသူရေးရာ ကော်မရှင်မှ တာဝန်ရှိပုဂ္ဂိုလ်များနှင့် တွေ့ဆုံခြင်း

မြန်မာစားသုံးသူများသမဂ္ဂမှ အလုပ်အမှုဆောင် အဖွဲ့ဝင်များနှင့် သြစတြေးလျနိုင်ငံ ယှဉ်ပြိုင်မှုနှင့် စားသုံးသူရေးရာ ကော်မရှင် (ACCC) မှ တာဝန်ရှိပုဂ္ဂိုလ်များသည် စားသုံးသူကာကွယ်ရေးကိစ္စများနှင့် ပက်သက်၍ စားသုံးသူရေးရာဦးစီးဋ္ဌာန၊ ရန်ကုန်တိုင်းဒေသကြီးရုံး၌ ၂၀၁၉ခုနှစ်၊ ဧပြီလ၊ ၁၂ရက်နေ့ တွင် အစည်းအဝေး ပြုလုပ်ခဲ့ကြပါသည်။ ထိုအစည်းအဝေးသို့ မြန်မာစားသုံးသူများသမဂ္ဂမှ ဥပဒေအကြံပေးအရာရှိ ဒေါ်မြတ်မြတ်ကျော်၊ သမဂ္ဂအတွင်းရေးမှုး ဦးမောင်မောင်၊ တွဲဖက်အတွင်းရေးမှုး-၁ ဒေါက်တာမိုမိုတင်၊ တွဲဖက်အတွင်းရေးမှုး-၃ ဦးဝင်းမင်းနှင့် စီမံကိန်းအထောက်အကူပြု ဦးအောင်နိုင်မင်း တို့နှင့် ACCC မှ လက်ထောက်ညွှန်ကြားရေးမှုး မစ္စတာ David Wang နှင့် သြစတြေးလျနိုင်ငံ ဆစ်ဒနီတက္ကသိုလ်မှ အကြံပေးပုဂ္ဂိုလ် မစ္စ Patty Kamvounias တို့တက်ရောက် ဆွေးနွေးခဲ့ကြပါသည်။   


စားသုံးသူအသိပညာပေး ဟောပြောပွဲ – အင်းစိန် လူထုအခြေပြုဗဟိုဋ္ဌာန

မြန်မာစားသုံးသူများသမဂ္ဂမှ အလုပ်အမှုဆောင်အဖွဲ့ဝင်များသည် အင်းစိန် လူထုအခြေပြု ဗဟိုဋ္ဌာန၌ ၂၀၁၉ခုနှစ် ဧပြီလ ၁၁ရက်နေ့တွင် စားသုံးသူအသိပညာပေး  ဟောပြောပွဲပြုလုပ်ကာ စားသုံးသူရပိုင်ခွင့်အခွင့်အရေးများနှင့် စားသုံးသူများ ကုန်စည်၊ ဝန်ဆောင်မှုများ ဝယ်ယူ သုံးစွဲရာတွင် နစ်နာမှုများရှိပါက အထောက်ထားနှင့်တကွ တိုင်ကြားမှုပြုလုပ်ကြောင်း နှင့် တိုင်ကြားမှုများကို မြန်မာစားသုံးသူများသမဂ္ဂ ဝဘ်ဆိုက်မှဖြစ်စေ၊ မိုဘိုင်းအက်ပလီကေးရှင်းမှ ဖြစ်စေ တိုင်ကြားနိုင်ကြောင်း မျှဝေပြောကြားခဲ့ကြပါသည်။ ထိုဟောပြောပွဲသို့ မြန်မာစားသုံးသူများသမဂ္ဂမှ အတွင်းရေးမှုး ဦးမောင်မောင်၊ တွဲဖက်အတွင်းရေးမှုး-၄ နော်တာဟေးညော၊ ဘဏ္ဍာရေးမှုး ဦးဆန်းထူး၊ နှင့် စီမံကိန်းအထောက်အကူများဖြစ်ကြသော ဦးအောင်နိုင်မင်းနှင့် ဦးသိန်းထိုက်စိုးတို့ တက်ရောက်ခဲ့ကြပါသည်။