မြန်မာစားသုံးသူများသမဂ္ဂသည် စားသုံးသူဆိုင်ရာပညာပေးသင်တန်း ကို ရန်ကုန်မြို့ Paññā Institute ၇မိုင်၌ ၂၀၁၉ခုနှစ်၊ ဇူလိုင်လ၊ ၂၉ရက် နေ့တွင် ကျင်းပခဲ့ပါသည်။ မြန်မာစားသုံးသူများသမဂ္ဂ ဥက္ကဌ ပါမောက္ခ ဒေါက်တာမာမာကြည်မှ အဖွင့်အမှာစကားပြောကြားခဲ့ပြီး တက်ရောက်လာကြသူများက မိမိကိုယ်မိမိ မိတ်ဆက်ခဲ့ကြပါသည်။ ထို့နောက် မြန်မာစားသုံးသူများသမဂ္ဂ အတွင်းရေးမှူးဦးမောင်မောင်မှ စားသုံးသူရေးရာနှင့် မြန်မာစားသုံးသူများသမဂ္ဂအခန်းကဏ္ဍ၊ စားသုံးသူနှင့် စားသုံးသူကာကွယ်ရေးလုပ်ငန်းများ၊  စားသုံးသူဆိုင်ရာပညာရေး၏ အရေးပါပုံများကို တင်ပြခဲ့ပါသည်။ ထို့နောက် တွဲဖက်အတွင်းရေးမှူး-၃ ဦးဝင်းမင်းမှ ကျင့်ဝတ်နှင့်ညီသော စီးပွားရေးလုပ်ငန်းများအကြောင်းကို တင်ပြခဲ့ပြီး အလုပ်အမှုဆောင်အဖွဲ့ဝင် ဒေါက်တာ ဒေါ်မြင့်မြင့်မှ ကုန်ညွှန်းအမှတ်အသားများအကြောင်းကို ရှင်းလင်းပြောကြားခဲ့ပါသည်။ မြန်မာစားသုံးသူများသမဂ္ဂ တွဲဖက်အတွင်းရေးမှူး ဒေါက်တာမိုမိုတင်မှ  နောက်ကြောင်းပြန်လှန်ရှာဖွေဆန်းစစ်ခြင်း အကြောင်းကို ရှင်းလင်းဝေမျှခဲ့ပါသည်။ ထို့နောက်နံနက်ပိုင်းအစီအစဉ်အတွက် တက်ရောက်သူများမှ မေးမြန်းဆွေးနွေးခဲ့ကြပါသည်။

နေ့လယ်ပိုင်းအစီအစဉ်တွင် ဦးမောင်မောင်မှ မြန်မာစားသုံးသူများသမဂ္ဂ အဖွဲ့ဝင်များလိုက်နာရမည့် စည်းကမ်းချက်များကို ရှင်းလင်းတင်ပြခဲ့ပါသည်။ ထို့နောက် ပါမောက္ခ ဒေါက်တာမာမာကြည်မှ စားသုံးသူများအပေါ် မတရားအမြတ်ထုတ်စီးပွားရှာမှုများအကြောင်းကို တင်ပြဆွေးနွေးခဲ့ပြီး ဒေါက်တာမိုမိုတင်မှ လိမ္မာပါးနပ်သော စားသုံးသူတစ်ဦးဖြစ်စေရန် သိသင့်သော စားသုံးသူဆိုင်ရာအသိပညာများကို ဝေမျှပေးခဲ့ပါသည်။ ထို့နောက်နေ့လယ်ပိုင်း အစီအစဉ်အတွက် တက်ရောက်သူများမှ မေးမြန်းဆွေးနွေးခဲ့ကြပါသည်။

ညနေပိုင်းတွင် မြန်မာစားသုံးသူများသမဂ္ဂ အလုပ်အမှုဆောင်အဖွဲ့ဝင်တစ်ဦးဖြစ်သူ ဦးအောင်နိုင်မင်းမှ Online တိုင်ကြားမှုနှင့် အငြင်းပွားမှုဖြေရှင်းရေးအကြောင်းတို့ကို ရှင်းလင်းတင်ပြခဲ့ပါသည်။ ထို့နောက် တက်ရောက်လာသူများကို တိုင်ကြားမှုဖြစ်ရပ်တစ်ခုကို ပြောကြားခဲ့ပြီး  အစိုးရ (Government)၊ အရပ်ဘက်အဖွဲ့ (Public Interest Organization)၊ စားသုံးသူ (Individual/Consumer) နှင့် စီးပွားရေးလုပ်ငန်းရှင် (Business) ဟုအဖွဲ့(၄)ဖွဲ့ခွဲကာ  အဖွဲ့ကိုယ်စားလှယ်များမှ ထိုတိုင်ကြားမှုဖြစ်ရပ်အပေါ် သရုပ်ပြလေ့ကျင့်ခြင်း ပြုလုပ်ခဲ့ကြပါသည်။ ထို့နောက် မြန်မာစားသုံးသူများသမဂ္ဂ အတွင်းရေးမှူးဦးမောင်မောင်မှ အပိတ်နှုတ်ခွန်းဆက်စကား ပြောကြားခဲ့ပါသည်။