အစားအစာဘေးကင်းလုံခြုံရေးဆွေးနွေးပွဲ ၂၀၁၉ ကို Myanmar Innovative and Life Science (MILS), မြန်မာစားသုံးသူများသမဂ္ဂ (MCU) and အစာအဟာရဆိုင်ရာ သိပ္ပံနှင့် နည်းပညာအသင်း (FoSTA Myanmar) တို့ပူးပေါင်း၍ တက္ကသိုလ် စိန်ရတုခန်းမ၌ ၂၀၁၉ခုနှစ် စက်တင်ဘာလ ၂၈ရက်နေ့တွင် ကျင်းပခဲ့ပါသည်။ ထိုဆွေးနွေးပွဲအတွက် မဲခေါင်အင်စတီကျု၊ METRO ကုမ္ပဏီ နှင့် စီးတီးမတ်ဟိုးဒင်း ကုမ္ပဏီလိမိတက်တို့မှ ကူညီပံ့ပိုးခဲ့ပါသည်။ ဖွင့်ပွဲကို MILS မှ ဗဟိုအလုပ်အမှုဆောင် ဦးကျော်သူထက်မှ ဖွင့်လှစ်ကြိုဆို၍ အဖွင့်အမှာစကားများကို အစားအသောက်နှင့် ဆေးဝါးကွပ်ကဲရေး ဦးစီးဋ္ဌာန ညွှန်ကြားရေးမှုးချုပ် ဒေါက်တာခင်ဇော်၊ ကမ္ဘာ့ကျန်းမာရေးအဖွဲ့ (WHO) မှ ကိုယ်စားလှယ် ဒေါက်တာ Stephan Paul Jost, METRO Wholesale Myanmar မှကိုယ်စားလှယ် နှင့် USDA, အမေရိကန်သံရုံးမှ စိုက်ပျိုးရေး ဆိုင်ရာ အရာရှိ မစ္စ Mayra Cladera တို့မှ ပြောကြားခဲ့ပါသည်။

 

အဖွင့်အမှာစကားများ ပြောကြားပြီးနောက် မြန်မာနိုင်ငံရှိ အစားအစာဘေးကင်းလုံခြုံရေး အပေါ် ခြုံငုံသုံးသပ်သိ ဆွေးနွေးပွဲစကားဝိုင်းကို မြန်မာစားသုံးသူများသမဂ္ဂ တွဲဘက်အတွင်းရေးမှုး-၁ ဒေါက်တာမိုမိုတင် မှ ဦးဆောင်ဆွေးနွေးခဲ့ပါသည်။ ပဲခူးတိုင်းဒေသကြီး မင်းလှမြို့နယ် ပြည်သူ့လွှတ်တော် ကိုယ်စားလှယ် ဒေါက်တာသန်းအောင်စိုး၊ စားသုံးသူရေးရာဦးစီးဋ္ဌာန ညွှန်ကြားရေးမှုး ဦးရဲထွဋ်နိုင်၊ MILS မှ ဗဟိုအလုပ်အမှုဆောင် ဦးကျော်သူထက်နှင့် စီးတီးမတ် ဟိုးဒင်း ကုမ္ပဏီလိမိတက်မှ ဒါရိုက်တာ ဦးဝင်းမြင့်အောင် တို့ ပတ်သက်၍ မြန်မာနိုင်ငံ၏ လက်ရှိ အစားအစာ ဘေးကင်းလုံခြုံရေး အခြေအနေ၊ အခက်အခဲ စိန်ခေါ်မှုများနှင့် တိုးတက်အောင် ပြုလုပ်ရန် အကြံပေးဆွေးနွေးချက်များ ပြုလုပ်ခဲ့ကြ ပါသည်။

 

ထို့နောက် အစားအစာဘေးကင်းလုံခြုံရေးအတွက် အကောင်ထည်ဖော် ဆောင်ရွက်မှုဆွေးနွေးပွဲ စကားဝိုင်းကို အစာအဟာရဆိုင်ရာ သိပ္ပံနှင့် နည်းပညာအသင်း (FoSTA Myanmar) မှ ဥက္ကဋ္ဌ ဒေါ်ဝင်းဝင်းကြည်မှ ဦးဆောင်ဆွေးနွေးကာ အစားအသောက်နှင့် ဆေးဝါး ကွပ်ကဲရေးဦးစီးဋ္ဌာန၊ One To Watch Myanmar, ရန်ကုန်စည်ပင်သာယာရေးကော်မတီ ကျန်းမာရေးဦးစီးဋ္ဌာန နှင့် မဲခေါင်အင်စတီကျုတို့မှ ကိုယ်စားလှယ်များကို ဆွေးနွေးခဲ့ကြပါသည်။

မွန်းလွဲပိုင်းတွင် အုပ်စု (၄) ခုဖွဲ့ကာ အစားအစာထုတ်လုပ်ငန်းများအတွက် GMP နှင့် HACCP အကြောင်း၊ ကုန်အညွှန်းအမှတ်အသား ဖော်ပြခြင်းနှင့် စားသုံးသူများနှင့် ဆက်ဆံခြင်း၊ ဥပဒေပြုမှု၊ ဥပဒေများနှင့် အညီဆောင်ရွက်မှုများနှင့် အစားအစာ ကိုယ်ခန္ဓာ သန့်ရှင်းမှုပညာနှင့် ကျန်းမာရေးနှင့် ညီညွတ်အောင် ဆောင်ရွက်မှု (Food Hygiene & Sanitation) အကြောင်းများကို ဆွေးနွေးပို့ချခဲ့ကြပါသည်။